මට ඔබේ දරුවා දින 30,දින 45, දින 7, මාස 3න් මාස 6 න්  වගේ ඉංග්‍රීසි කතා කරවනවා, භාෂාව උගන්වනවා වැනි පොරොන්දු  දීමට නොහැක, රජය පිළිගත් වටිනා සහතිකයක් දීමට ද නැත.

ඒ වෙනුවට දැනට පාසලේ සීමාසහිත වටපිටාවක උගන්වන ඉංග්‍රීසි විෂය කොටස්, ක්‍රමානුකූලව ආවරණය කරමින් අමතර ඉංග්‍රීසි ව්‍යාකරණ හා දරුවන්ට අත්‍යවශ්‍ය දැනුම ලබාදීමට මම පොරොන්දු වන්නෙමි.

භාෂාවක් හොදින් හැසිරවීමට නම් කාලයත්, එදිනෙදා භාවිතයත්,  ඉගෙනුම්  පරිසරයත්, දරුවා තුළ ඉංග්‍රීසි ගැන තියන ආසාවත් බලපායි. ඉගෙනුම් ආධාරක තුළින් ඔබේ නිවස තුළ ඒ පරිසරය නිර්මාණයට උදව් කිරීමට මම පොරොන්දු වන්නෙමි. 

සුහුරු පන්ති කාමර (SMART Class Room) වැනි අපට සිහිනයක් වූ සංකල්ප දැනටමත් ප්‍රායෝගික භාවිතා වෙන අවධියක, මම පවත්වන පන්ති සඳහාත් ඉදිරියේදී තාක්ෂණය උපරිම ලෙස භාවිතා කරමින් ඉගැන්වීම කිරීමට මම  පොරොන්දු වන්නෙමි. 

අවසාන වශයෙන් දරුවන්ව පන්ති වලට සහභාගී කරවීමට අදහස් කරන දෙමාපියන්ට  ස්තුතිවන්ත වෙන අතර මම හැකි උපරිම කැප කිරීමකින් ඔබේ දරුවාගේ ඉංග්‍රීසි භාෂා හැකියාව වැඩි දියුණු කිරීමට පොරොන්දු වන්නෙමි.